الرئيسيةس .و .جبحـثالتسجيلقائمة الاعضاءالمجموعاتدخول

شاطر | 
 

 يبقى انتا اكيد في كلية صيدله

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
عن العشق والهوى

نائب المدير
 نائب المدير


عدد الرسائل : 266
العمر : 27
تاريخ التسجيل : 09/10/2007

مُساهمةموضوع: يبقى انتا اكيد في كلية صيدله   الثلاثاء فبراير 19, 2008 4:50 pm

يبقى انت اكيد اكيد فى صيدلة


Description:

chemicals لما تبقى ريحتك *
تقرف و الناس فى الشارع تبعد عنك و انت طالع من سكشن organic ولا الـ analyticalالـ
و انت يا عينى مش عارف ليه
!!...يبقى انت اكيد اكييد فى صيدلة

لما ايدك تبقى ألوان الطيف كلها و صوابعك محروقة .. يبقى انت اكيد اكيد فى صيدلة


لما يبقى البالطو بتاعك *
"dirty"
( موضة يا اهبل)
من كتر الالوان اللى بتقع عليه, و يا سلام بقى لو مخرّم من الـconc sulphuric مع انك مشتغلتش بـ conc sulphuric اساسا!!

يبقى انت ايييييييييه؟ شاطر Smile باين عليك ف صيدلة


لما تشوف وردة... بدل ما تشمها زى البنى ادمين ولا تقول سبحاااان الله... تقوم..( لأ مش تاكلها Smile تفكّر ياااا ترى دى من انهى
family
؟؟
و ياااا ترى ايه هو الـ
active constituent
بتاعها ؟؟ طب ممكن تيجى فى
الامتحان؟؟؟
يبقى انت اكيد بتمووووت فى الـ
Wink cognosy

لما تمتحن 55 مرة فى الترم.. عملى و نظرى و نظرى عملى و عملى عملى .. لغاية ما تنسى ايه هى المواد اللى بناخدها
اصلا....... ؟ يبقى انت اكيد فى
( نسيت و الله )

لما تمتحن نظرى نص السنة فى 28 يوم مع ان المواد 
5
بس
!!! يبقى انت اكيد فى صيدلة

و لما تقرر انك تتوب و تذاكر جامد جدا جدا و تدخل الامتحان .. انك تفتكر كلمة!!! .... ابقى قابلنى..

و لو ربنا فتح عليك و افتكرت .. تطلع م الامتحان مزقطط و تعزم اصحابك على حاجة ساقعة
( طبعا الصيادلة مشهورين بالكرم Wink
.. يجيلك واحد رزل يراجع معاك (و انت مبسوط بقى) تكتشف ان كل حلولك غلط
تديله بالازازة على دماغه ولا يحصله حاجة !!! ...
يبقى
انت وهو
....اكيد اكييييييد فى صيدلة


لما ييجى دكتور يقولك **
فيه كلام هنسى اشرحه فى المحاضرة
موجود عندك فى الكتاب.. حضرتك مطالب بيه فى الامتحان
...
و فيه كلام هنسى اقوله فى المحاضرة و نسيت اكتبه فى الكتاب ... برضه سيادتك مطالب بيه !!! يبقى انت اكييييد اكيد فى صيدلة!!


و لما ييجى دكتور تانى
( من المفترض انه محترم يعنى )
يقول فى (وسط) المحاضرة :
" ***** يا ......."
(الرقابة حذفتها )


يا اخى ده فى تجارة و حقوق اخرهم يقولوا للواد يا حمار
!!! يبقى انت اكيد اكيد فى محاضرة صيدلانيات



و اهم حااااجة بقى
لما تكون علطووول.... مشمئنط
لأ و كمان حاسس باشمئنااااط مفيش بعد كده
و تحس ان الدكاترة و المعيدين كلهم مشمئنطين منك ...

Congratulations

Alex مرحبا بكم فى صيدلة






يلا كملوا انتو يا حلويييييييين


========================

الاضافات الجديدة من الناس الحلوين اللى اكيد اكيييد فى صيدلة
بمناسبة الامتحانات و كل عام و انتم فى صيدلة ( بس 4 سنين مش اكتر)

لما ربنا يكرمك فى يوم وتقعد تذاكر طول النهار ولما تيجى تشوف انجازاتك آخر اليوم تلاقيك ذاكرت محاضرة وياااريتك تفتكرها يبقى انت اكييد فى صيدلة


ولما تعمل اللي عليك و تزاكر و في الشفوي تدخل لواحد اكستيرنال مش عارف انت اخدت ايه في المنهج و يظبطك,يبقى انت اكييييييييد فى صيدلة

لما تقعد طوووووول السنة تذاكر من ورق طلبة زيك كتبوه و بيبيعوه و الله اعلم دى المواد اللى بناخدها و لا مناهج فنون جميلة و لا ايييييييييييييه و تدخل الامتحان بدعاء الوالدين يبقى انت فى صيدلة اسكندرية
سألت مرة صاحب مكتبة من اياهم اللى بيبيعوا الورق : بتختار الطلبة اللى بيكتبوا المحاضرات و يبيعولك على اساس ايه؟ قاللى: يكون خطهم جمييييييييييل ) .... لا تعليق

لما تشترى ورق الشرح فى اى مادة حوالى 100 صفحة و بعدين تشترى الملخص 150 صفحة و قبل الامتحان بقى تجيب المراجعة النهائية 200 ورقة !!!! يبقى انت كده ... صيدلى صح الصح



Lama to3od tet3ark 3shan td5ol tmt7n oral wenta we tla2y fel a5er en ely m3ahom wasta homa ely byd5olo el awel 7ta lw mn bra el mgmo3a yeb2a enta akid fe saydla


we lma teshtry ketab b 150 gneh 3shan lw 7alet el 200 so2al ele feh ta5od 5 dargat we lw ma7letshy el dr yashelk el mada yb2a enta akeed fe saydala


*************************************

شعر (وصف هزلي لطلبة صيدلة "الأولاد") _ هزار طبعا
(((((شكرا لحسام مصطفى)))))


بيقولوا طلبة صيدلة متميزين

فعلا طلبة صيدلة متميزين وليهم المواصفات التالية

حاطط قلم في بقه و لابس نضارة
لابس جزمة بمبي و فيها صفارة
ولو في يوم عليه عزمت بسيجارة
تلاقيه ياخدها و يكتب عليها معادلة او اشارة

كل شيء مذاكرة و الضحك ده صياعة
و السكشن و المحاضرة هما اغلي بضاعة
و الحب و البنات عنه حاجات متباعة

و لو شفته تلاقيه ماشي و مكشر
و لو سألته ليه يقوللك تتأثر
يقولك عاوز اجيب نمر اكتر

و لو في يوم كلمته عن بنت حلوة مرتاحة
و كنت بتوصفله فيها بكل صراحة
حاجات تخللي الأعمي يبص بكل بجاحة
تلاقيه يقوللك السبب هو التفاحة
اللي وقعت علي نيوتن و هو في استراحة
يا ريتني ابقي زيوه و القي علاج للكساحة

*********************************

طول عمري بحب التعليم
أصل أنا واد في العلم قديم
كان مجموعي في الثانويه
حاجه بتاع سبعه و تسعين في الميه
قلت يا صيدلة أما بلاش
شغلانه غيرها ما تنفعناش
أول سنه كان كلي حماس
قافل علي نفسي الترباس
أحضر سكشن أسلم شيت
كنت بنام زي الكتاكيت
أول ترم عدي عليا
أتمنيت أرجع ثانويه
أخد نجمه وأغني بلادي
أخد فسحه وألعب عادي
بس يا عيني مش وقت رجوع
أنا عيني خلاص عالمجموع
أول سنه عديتها نضيف
والمجموع كان برضه ظريف
جبت يا دوب سبعين في الميه
راحت فين أيام ثانويه؟
ومن يوميها أنا أتجنيت
ولا عمري في حاجه عديت
بكتب أسمي و أطلع تاني
تعمل أيه لو كنت مكاني؟
حبه بحبه بقيت بلاص
بس يا ناس مرفوع الراس
أخد الصفر وأحاول تاني
أنا يائس كده ليه وبعاني
نفسي أجيب لو يوم مقبول
حد يقولي مين مسئول؟
أن أحنا في ساقيه بنتعلم
ولا راضي حد يتكلم
خلينا مشيين جنب الحيط
عاشقين أوي فن التخبيط
حاول تفهم مني كلامي
ولو ما فهمتش حعيد من تاني

(((( Thanks to: dr.fido hakim )))))

***************************

الى كل الصيادلة الغلابة ... ارى في حالكم عجبا عجابا
تمرمطنا وولى العز عنا ... سذاجتنا السبب او قل خيابة
تدحدر حالنا يا ابني كثيرا ... واصبح وضع مهنتنا هبابا
و يكفي لبهدلتنا ان لدينا ... نقابة بفقرنا مغرم صبابة
فغض الطرف انك صيدلي ... فلا طبّا بلغت و لا ادابا
ولا تتفشخرن ولو ليوم ... فاني اراك اغلب م الغلابة
تظل لخمس اعوام حمارا ... و تفني فيها مالك و الشبابا
عليك من المنهاج حجم فيل ... وراسك ديه في حجم الذبابة
وياتيك امتحان لست تدري ... اهل هذا سؤال ام اجابة
فتجذب شعر راسك يا صغيري ... و تفقد وقتها يا ابني الصوابا
فلا تقلق اذا اتجننت يوما ... فلا لوم عليك ولا عتابا
و تسحب للمعامل كل يوم ... لحب , انت لا تخشى الغيابا
و كم من معمل احرقت فيه ... يديك و شعر راسك و الثيابا
و تدفع دم قلبك في كتاب ... حرام ان نسميه الكتابا
تودعك الدراسة في نفور ... فتلقاك المصحة في رحابة
يا عيني كم رايتك مكفهرا ... عبوس الوجه مليان اكتئابا
فلا علما في راسك تدخره ... ولا مالا فمن حولك ديابة
ارى السباك افضل منك حالا ... و ما يشتهي يصبح مجابا
ولا يحميك ان تحمل شهادة ... فلن تفتح لك الشهادات بابا
فبياع ببالطو د انت طبعا ... دا حتى البالطو قد فقد المهابة
يقف ف الاجزخانة كل شخص ... يجيد بس القراءة و الكتابة
و دع شهرين بعدها هتلاقيه ... طبيبا مالي مركزه مهابا
فذو الدبلوم يؤخذ اما انت ... فتخرج م الملاعب للاصابة
ولو تحلم بان تاكل كبابا ... فسوف تسف من جوعك ترابا
ولو تحلم بان تاخذ قروضا ... هتتجرجر يا سيدي الى النيابة
فدنيانا اسنت لك سيوفا ... و اعملت الاسنة و الحرابا
فبادر و اشتر "توك توك" بسرعة ... تاهل و اغتني و افتح حسابا
او اذهب فاشتغل كوافير حريمي ... او اعمل يابني رئيس عصابة
دا افضل م الجلوس جوار امك .... بتعزف لحن خيبتك ع الربابة
فبعد تخرجك من اين تاتي ... مصاريفك ؟ فلن يعطيك بابا
و اني ناصح فعساه قولي ... يعيد لعقلك الفاضي الصوابا
فاخوف ما اخاف عليك صار ... خرابا و اضطرابا و اغترابا

القصيدة منقولة من الشاعر الصيدلى د/محمد عبد الجواد كلية الصيدلة جامعة القاهرة رابعة حديث

****************************************
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mogelbahr.top-talk.net
 
يبقى انتا اكيد في كلية صيدله
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات موج البحر :: منتدى الجامعات :: كلية صيدله جامعة الإسكندريه-
انتقل الى: