الرئيسيةس .و .جبحـثالتسجيلالأعضاءالمجموعاتدخول

شاطر | 
 

 يطلع ايه الصيدلى ده يعنى !!!!!!!!!!!!!!!!!!!!!!!!!!!!!! !

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
فارس الرومانسيه

نائب المدير
 نائب المدير
avatar

عدد الرسائل : 181
العمر : 28
تاريخ التسجيل : 14/08/2007

مُساهمةموضوع: يطلع ايه الصيدلى ده يعنى !!!!!!!!!!!!!!!!!!!!!!!!!!!!!! !   الثلاثاء أكتوبر 02, 2007 9:51 pm

السلام عليكم ورحمة الله وبركاته
اولا احب اعرفكم ان انا طالب فى تالتة صيدلة المنصورة وبحب كليتى جدا وفخور بيها وراسم طريق جميل جدا لنفسى ان شاء الله احققه وفعلا بدأت فيه ,بس عنوان الموضوع مش اكتر من استنكار لوضع الصيدلى الحالى واللى خلا طلبة كتير فى الكلية خايفين وقلقانين وبيتضايقوا لما حد يقول ان الصيدلى مجرد بياع ,طب انتوا زعلانين ليه ما هى دى الحقيقة!!!!!!!!!
بس للأسف دى الحقيقة اللى الصيادلة ثبتوها على نفسهم يعنى بارادتهم,ازاى ؟؟؟؟
قبل ما اقول ازاى فى نقطة نفسى اوضحها وهى ان كلية الصيدلة مش نهايتها انك تفتح صيدلية وبس, لا فيه مجالات كتييييييييييييييييييرة جدا اهمها -من وجهة نظرى- الدراسات العليا اللى ماحدش واخد باله منها ماعدا طبعا دبلومة التحاليل الطبية لكن فى غيرها اكتر من 20 دبلومة مثلا ( الطب الشرعى-الطب البديل-الرقابة والسموم-التصنيع الدوائى-الميكرو-وغيرها كتييير)
وفى الأعلى من كل ده
pharm D or Clinical pharmacology
والاتنين دول بالذات اى صيدلى بيدرسهم بيعلا جدا ومرتبه فى اى دولة عربية او اجنبية او حتى فى مصر بيكون كبير جدا واعلى من الطبيب المتخصص والكلام ده عرفته من تجربة اكتر من شخص اعرفهم كويس ولو حد عايز اى معلومات عن الموضوع ده ممكن افيده ان شاء الله
(للأسف قليل اللى بيهتموا بالكلام ده مع اننا لو بصينا على كلية طب نلاقى الناس بيطلع عينهم فى الدراسة اكتر من 10-15 سنة وعدد قليل هو اللى بيوصل لمكانة عالية واحنا ادامنا الفرصة نحضر سنة او اتنين ونكون اعلى من ناس كتيييير لكن مطنشين او بنستسهل يعنى لو سمحوا لطلبة صيدلة انهم يفتحوا صيدليات بعد تالتة 90% من الطلبة مش هيكملوا رابعة)
على فكرة انا مش باعترض على الصيدلية لكن نفسى ما نخليهاش هى كل حاجة ,بالعكس الصيدلية دى حاجة جميلة جدا بس لو اهتمينا بيها وادارناها كويس.
نرجع لاجابة السؤال اللى فوق خالص (ازاى الصيادلة هما اللى عملوا نفسهم بقالين ؟)

انا هجاوب السؤال ده فى مجموعة نقاط \
1-الصيدلى بعد التخرج بيغير عقليته تماما من العلم والطب الى عقلية تجارية بحتة وما بيفكرش غير فى الربح فقط.
2-اى صيدلى بعد فترة قصيرة من فتح الصيدلية زى ماتقولوا كده بيزهق وبيسيب كل حاجة للمساعد بتاعه اللى هو مش صيدلى اساسا وبيعمله دكتور ادام الناس والصيدلى مايعملش حاجة غير انه يجمع الفلوس اخر اليوم .
3-حتى الصيدلى اللى بيدير الصيدلية بنفسه بيكون مش مهتم بنفسه ولا عامل لنفسه بريستيج عالى لكن ممكن تلاقيه قاعد بالشبشب او حتى ببجامة او جلابية وحاطط رجل على رجل وقاعد يقرا الجرايد زى اى شخص عادى (مش كل الصيادلة كده لكن 90% منهم كده)
4-حتى الطالب اللى بيروح يتدرب فى الصيف بيروح يقف جنب العامل يشوفه بيعمل ايه ويتعلم منه وساعات كمان يروح يجيب له شنطة يحط فيها الدواء
ويروح مبسوط اوى ليه (اصله كان بيتدرب)هههههههههههههههه.

5-صيادلة كتييييييييييييير بينزلوا من نفسهم ويتعاملوا فى الدواء المحروق او يتعاملوا مع شركات تحت السلم (مش معتمدة) لمجرد انه يوفر مبلغ بسيط بيهزق نفسه.

بعد ده كله ممكن اقول ان الصيادلة بيتفننوا انهم يكونوا بياعين بس برضه انا لسه عندى امل كبيييييييييييييييييييييييير فى اللى جاى ,وممكن نقول بعض الحلول لموضوع الصيدلية \

1-لازم اى صيدلى بعد ما يتخرج يكون مطلع على كل جديد ويهتم بالفارما وما يسيبش كل اللى درسه مرة واحدة علشان يتعامل مع المرضى كويس.

2-مش شرط الصيدلى يكون هدفه الاساسى الربح فهو هيجى ان شاء الله بس لازم نهتم بمهنتنا الاول
DRUGS ARE NOT FOR THE PROFIT . DRUGS ARE FOR THE

PATIENT &PROFIT WILL FOLLOW


3-اى صيدلى لازم يحافظ على وضعه فى الصيدلية يعنى يكون شيك ولابس البالطو بتاعه وقاعد على مكتبه اى مريض يستشيره فى حاجه يجاوبه والعامل يروح يجيب الدواء وبكده يكون له برستيج ادام الناس (وعلى فكرة النقابة كانت منزلة بيان السنة اللى فاتت بالكلام ده)

4-المفروض كل الصيادلة يقتصروا فى تعاملاتهم مع شركات الادوية المعتمدة مش اى مكتب او مخزن وخلاص وبكده اى دخيل على المهنة مش هيلاقى مكان.

5-بالنسبة للطالب فى التدريب المفروض يروح الصيدلية اللى فيها الدكتور بتاعها ويتابعه فى كل حاجة ويسأله على اى حاجة مش فاهمها (مش يروح يساعد العامل ويتعلم منه )

وفى النهاية ياريت نحاول كلنا نرتقى بالمهنة بتاعتنا اللى هى ليها مكانة عالية جدا فى الدول الأجنبية ,وانا اسف جدا لأنى طولت عليكم جدا بس كان نفسى اقول الكلام ده من زمان ياريت اشوف ردودكم

_________________


من أجمل ما سمعت



مش عارف اتغيّر

Downloadللتحميل
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
يطلع ايه الصيدلى ده يعنى !!!!!!!!!!!!!!!!!!!!!!!!!!!!!! !
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات موج البحر :: منتدى الجامعات :: كلية صيدله جامعة الإسكندريه-
انتقل الى: